Datozen egunetan, beraz, epaimahaiko kideak herriko kaleetan zehar ibiliko dira balkoi eta leihoak aztertzen eta baloratzen. Ebaluazioan epaimahaiak hainbat alderdi hartuko ditu kontuan, hala nola balkoietako landareak, horien apaingarritasuna, bioaniztasunari egiten dioten ekarpena, itxura eta originaltasuna baloratuko dituzte.
Atari Bizi lehiaketak hiru balkoi edo leiho nabarmenenak sarituko ditu. Lehenengo irabazleak Itzalpe jatetxean otordu bat eta 150 euro jasoko ditu herriko saltokietan gastatzeko. Bigarren sailkatuak 100 euro jasoko ditu, eta hirugarrenak 85 euro, udalerriko establezimenduetan erosketak egiteko.
Sari banaketa uztailaren 25ean izango da, Santio jaien baitan egiten den ohiko soka-dantzaren ondoren.