Astelehenean, abuztuaren 25ean, irekiko da eskaera egiteko epea eta irailaren 12ko 14:00etan amaituko da. Udaletxeko Herritarren Arreta Zerbitzuko bulegoan edo erregistro elektronikoaren bitartez egin behar da eskaera.
Dirulaguntza hauek eskatzeko baldintzak
• Villabonan erroldatuta egotea eta benetan bertan bizitzea eskaera aurkezten denean.
• Bizikidetza-unitate bateko kide izatea, eta bizikidetza unitate horren diru-sarrerek oinarrietan ezarritako muga ez gainditzea (bizikidetzako kide guztien sarrerak batuta).
• Bizikidetza-unitatearen erreferentzi gisa hartuko da Biztanleen Udal Erroldan fakturetan adierazitako epeei dagokion informazioa.
• 10.000 eurotik gorako ondarerik ez izatea, ohiko etxebizitza kontuan hartu gabe.
• Fakturaren ur kontsumoak ezingo du etxebizitza horretan erroldatutako pertsonako 15 m kubiko gainditu, hiruhileko bakoitzean.
Aurkeztu beharreko dokumentazioa
• Eskaera orria
• Diru-sarreren eta, ondasun higigarrien eta higiezinen zinpeko aitortza
• Eskatzailearen eta bizikidetza unitateko gainerako kideen NANa edo nortasuna egiaztatzen duen beste agiriren bat.
• Familia liburua edo zaintza, babespea edo tutoretza egiaztatzen duten agiriak.
• Banatuta, dibortziatuta edo seme-alaben eta gurasoen harremanekin zerikusia duen beste edozein gai garrantzitsu egonez gero, dagokion epaia eta pentsioa justifikatuko duen ordainagiria.
• Eskatzailearen kontu korrontea eta titulartasuna adierazten duen banku agiria.
• 2024. urteko fakturak ordainduta daudela egiaztatzen duen agiria.
• Bizikidetza unitateko kide guztien 2024ko informazio fiskala.
• Lan eta egoitza baimenak ez dituztenen kasuan, eta 2024 urtean RGI dirulaguntzaren onuradun izan direnak, Lanbidek igorritako dirusarreren ziurtagiria.
• Dirusarreren eta ondasun higigarrien eta higiezinen zinpeko aitorpena.
Ur hornidura eta hondakinen bilketa tasak ordaintzeko 2025ko dirulaguntzen oinarriak (GAO 2025-06-30).