Aurreko makina zaharkitua zegoen eta urtean zehar arazo mekaniko ugari sortzen zituen. Horrek mantenu gastuak nabarmen handitzea ekarri zuen azken urteetan, eta ezinbestekoa zen berria eskuratzea.
Lizitazio prozesu publikoa amaitu ondoren, makina berri hau Ros Roca S.A.U. enpresaren bidez eskuratu du Udalak, eta, guztira, 187.489,50 euroko inbertsioa egin du tresna moderno eta eraginkor hau eskuratzeko.
Datozen asteetan, udal-langileak tresna berriaren funtzionamendua ikasi bitartean, bi makinak egongo dira martxan: berria eta zaharra. Horrela, garbiketa-zerbitzuak normaltasunez jarraituko duela ziurtatu nahi du Udalak. Langileak makina berria erabiltzeko formakuntza ikastaroa amaituta, urtarriletik aurrera, egunero ibiliko da makina berrira herriko kaleetan.
Makina berriarekin kaleen garbiketa azkarragoa, isilagoa eta ingurumenarekiko jasangarriagoa izango da. Zerbitzuaren kalitatea hobetzea izan da inbertsioaren helburu nagusia.