Udalak baratza ekologikoen parkeko partzelak eskatzeko epea ireki du berriro, aurreko esleipen prozesua amaituta hainbat partzela libre geratu baitira.
Aukera hau baratza landu nahi duten herritar guztiei zuzenduta dago, eta partzelak eskuragarri dauden bitartean esleituko dira. Partzela eskuratuz gero, 2029 urte amaierara arte ustiatzeko aukera izango da, Udalak orduan egingo baitu baratzeen esleipen prozesu berria.
Interesa duten pertsonek eskaera orria bete eta Udaletxean aurkeztu beharko dute:
• Presentzialki: HAZen astelehenetik ostiralera, 08:00 – 14:00 ordutegian
• Telematikoki: Erregistro elektronikoaren bidez.
Informazio gehiagorako edo zalantzak argitzeko deitu 943 69 21 00 (Luzapena: 3333) zenbakira, edo ingurumena@villabona.eus helbidera idatzi.
Eskuorri informatiboa
Eskaera egiteko inprimakia
Amasa-Villabonako Baratze Ekologikoak esleitzeko eta kudeatzeko araudia