Mendate bakarrak egin zuen triskantza: Col du Portet. Ez Peyragudesen, ez Val Louron-en, ez zen mugimendurik egon oilarren artean, ibilbideak horretarako bide ematen bazuen ere. SKYk arazorik gabe kontrolatu zuen etapa, eta azken mendatean Quintanak bakarrik egin ahal izan zuen aurrera, etapa irabazteko. Onenen tropelean Roglic bakarrik ahalegindu zen, baina azken kilometroan bakarrik urrundu zuen Froome, justu antzean. Dumoulin ere lau tourreko garailea baino indartsuago zihoan, eta 43 segundo irabazi zituzten helmugan. Thomas, indartsuena, 3. sailkatu zen, eta lidergoari aise eutsi. Landa Froome-rekin batera iritsi zen eta Bardetek minutua pasa galdu zuen. Bihar etapa laua jokatuko da, Pauen bukatuko dena. Teorian esprintean. Etzi, Pirinioetako azkena.
Quintana kolonbiarrak Movistar taldearen Tourra itxuratu du, eta Froome-k amore eman du Roglic eta Dumoulinen aurrean; Thomas liderra, oso sendo
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!