10: Mikel Iturria. Orain arteko bere garaipen handiena, eta akaso bere kirol ibilbideko garrantzitsuena. Fedea irabaziko du, bere gaitasunean, eta pisua, etorkizunean.
9: Tadej Pogacar: Hiru etapa eta podiuma, 20 urterekin. Eta mutil ausarta! Belaunaldi berri ikusgarria izanen dugu 2020an: Bernal, Van Aert, Mathieu Van der Poel, Bernal...
8: Primoz Roglic: Lehen itzuli handia poltsikoan du, batere arrakalarik gabe. Ez du mendian huts egin, eta erlojupekoan aurkariak txikitu ditu. Fidagarria
7: Deceuninq taldea. Bost etapa, denera. Jakobsenek bi, Gilbertek beste bi, eta Cavagnak bestea. Munduko talde onena. Punto.
6: Alex Aranburu. Etaparik lortu gabe ere, sekulako maila eman du Ezkiokoak, World Tour maila, eta Astana taldearekin korrituko du 2020an
5: Alejandro Valverde: Podiuma, 39 urterekin. Babak eltzetik ateratzen bere taldeari, beste behin.
4: Miguel Angel Lopez. Beti badu zerbait. Erorketaren bat, ezina... Aukera asko ari zaizkio ihes egiten, eta bere nagusiek ez dute betiereko konfiantza edukiko berarengan.
3: Nairo Quintana: Urrutiko intxaurrak hamalau, hurbildu eta lau... Bukaeraraino babestu du Movistarrek. Gehiegizkoa.
2: Iraila. Tropela nekeak jota iristen da Vueltara, eta mendi mordoa jarrita ere, probak distira askoz apalagoa du, Giroarekin alderatuta.
1: Ibilbidea: Erlojuoekoa garaizegi jarri dute, eta horrek Roglici, eta bere taldeari, lasterketa erabat kateatzen lagundu diote.
0: Movistar taldearen maniobra Roglic liderra erori zenean. Lotsagarria.
Vueltako 3.400 kilometroek emandakoa nota banaketa berezi batean laburbiltzeko ahalegina da, ondorengoa.
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!