Zer kontatu gutxi bosgarren etapan. Ere gehituko dugu. Batean Jumboren nagusitasuna, besteetan esprinterren taldeena, inor ez da mugitzen. Tourra gonbidapen bati esker korritzen ari diren Frantziako taldeak ere ez. Arrakasta ezinezko ikusten dutenaren seinale!!
Hasi eta bukatu, dena lineala. Dena monotonoa. Haizeak oilarrak esnatuko ote zituen, hondarrean, baina ezer ez. Sunweb esprinta prestatzen Cees Bol-i, Sam Bennetten Deceuninq-ek ez duelako lanik egiten berarentzat. Eta zer eta esprinta iritsi eta Wout Van Aert-ek hanka batekin irabazi, azken kilometroko goranzko joera baliatuz. Besterik ez zuen behar Jumbok, bere agintea are gehiago sendotzeko: lanik egin gabe uzta biltzea.
Eta bihar berriz. 26 kilometroko mendatean bukatuko da etapa, Mont Aigoual ezagunean. Baina Jumbok beste garaipen bat nahiko du esloveniar hegalariarekin, beraz adi, ez ote garen Jumbo gorrotatzen hasiko...
Etapa aspergarria ikusi da berriro, ihesaldi ahaleginik gabe, eta Van Aertek esprinter guztiak menderatu ditu
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!