Ikastolen Elkartea, Aek, Sortzen eta Agerraldia ekimeneko ordezkari bana, 2 ekoizle (Aristu eta Biosasun), Errigoraren kanpainetako 2 boluntario, Errigoraren presidentea eta kanpainetako saski eskatzaile batek 10eko argazkia osatuta, Hernaniko Oronaren egoitzan prentsaurrekoa izan da gaur. Udazkeneroko Nafar hegoaldeko uzta euskarari puzka, kanpaina bereziaren nondik norakoak azaldu eta saski eskaera egiteko deia Euskal Herri osora zabaltzeko.
Hona hitzartzeak:
Ibon Ollo, Aristu upategiko ekoizlea:
10 urtetan ekoizleen familia nola ugaldu den bizi izan dugu, ugaldu eta heldu. 5 ekoizlerekin hasi eta 23 ekoizletako taldea osatzeaz gain, taldean konpromiso konpartituak hartu (eta bete) eta Errigora Balioak baratzeratzeko pausuak eman ditugu.
Ibai Sueskun Agerraldia-ko kidea
Ager eremuko euskalgintzarentzako behar-beharrezko hauspoa dugu gaur hamargarrenez abiatzen den Nafar hegoaldeko uzta euskarari puzka kanpaina
Mila Kintana ohiko saski eskatzailea
Nik aurten berriro eskatuko dut deia eta nahiko nuke inoiz eskatu duten guztiek berriro eskatzea
Natxi Aranburu Errigoraren presidentea
Bete-beteak izan dira 10 urtetan bildutako lorpenak eta osatutako komunitatea
Bete-bete sentiarazten gaitu Errigorak, parte garen izateak. Komunitatea betetzen (emozionatzen) duten balioak direlako
- Zubigintza: Pertsona, lurralde eta ideia desberdinen bat egitea
- Ekintza: Hitzetan baino egiten dugunean aurkitzea sinisgarritasuna
- Ahalduntzea: Txikitasunetik amets handia eskuratzeko gaitasuna badugula ikustea