Aurten ere beste urte batzutan bezala DBH3-ko ikasleak Elhuyar Zientzia Azokan parte hartzen ari dira.
2.ebaluazioan zehar ikasleek taldeka gizartean aurki dezakegun arazo edo behar bat aukeratu behar izan dute, eta ikerketa zientifiko edo proiektu teknologiko bat garatu dute arazo horri erantzuna emanez. Landu dituzten gaiak askotarikoak eta oso desberdin eta aberatsak izan dira, hala nola: medikuntza, biologia, exoplanetak edo COVID-a haizetik iragazteko makina.
Proiektuak dagoeneko bukatu dituzte eta iragan astean kanpoko pertsonez osatutako epaimahai baten aurrean aurkeztu behar izan zituzten euren lanak. Gurekin izan ziren epai lanetan, Kristina Zuza EHU-UPV-ko irakaslea, Irati Rekondo umeen minbiziaren inguruko ikerlaria eta Marta Irazoqui Eusko Jaurlaritzako Hezkuntza saileko ikuskaria.