Datorren abenduaren 11an, arratsaldeko 18:15ean, Urnietako Etxeberri Plazan Salestarrak Magale Urnieta Ikastetxearen eskutik Gabonetako Argien Piztuera ekitaldia ospatuko dugu. Festa honekin urnietar guztiekin alaitasun eta ilusio une bat partekatu nahi dugu, gabonetako izpirituz betetako giro atsegina sortuz.
Aurten ere, ikastetxeko maila desberdinetako ikasleek egindako lana izango da ikusgai. Musika jartzeaz, besteak beste, LH eta DBHko ikasleak arduratuko dira eta ndoren, txokolate beroa izango da bertaratutakoentzat.
Ekitaldiaren egitaraua ondorengoa izango da:
- Ekitaldiaren hasiera
- Dantzariak eta trikitilariak
- Olentzeroren bisita
- 3,2,1 PIZTU ARGIAK!
- LH5 eta 6 kantu emanaldia
- DBH1eko kantu emanaldia
- Gabonetako mezua
- Amaierako bertsoa
- Txokolate jatea
Guztiak gonbidatuta zaudete gurekin Gabonei hasiera zoriontsu bat ematera!