Ikasturte honetan, berrikuntza izango da C2 azterketa prestatzeko aukera, taldea sortzear baitago. Arratsaldeetan, astean 2 egunez, C2 mailako klase presentzialak eta tutoretza pertsonalizatuak jasotzeko aukera da AEK-k herritarrei eskaintzen diena.
Bada beste nobedaderik ere aurtengoan. Izan ere, euskaltegi berria dugu Urnietan, San Juan kaleko 42an, hain zuzen ere (Plazido Mujika enparantzan). AEK-k herritarrak animatzen ditu bertara gerturatu eta euskara ikasi zein hobetzeko urratsa ematera. Email (urnieta@aek.eus) zein telefono bidez (662338747) ere eman daiteke izena. Gogoratu, HABEk zein Urnietako Udalak diruz lagundutako ikastaroak direla guztiak ere.