Goizean goizetik, orientazio proba medio, egun berezia zela nabari zitekeen Urnietan. Eta arratsaldean zehar giro on hori handituz joan zen. Jolas eta bestelako jardueren artean, 200 haur inguruk parte hartu zuten mendi lasterketa txikian. Giro onean egin zuten lasterketa, aurretik Super H super heroiak beroketa ariketa dibertigarriak egin baitzituen. Eta lasterketari ezusteko amaiera eman zioten gurasoek, eurek ere irribarrea ahoan ibilbide txikia osatu baitzuten.
Egoera zailean diren haurren alde aurpegirik onena ateratzen maisu bilakatu dira Super H elkarteko kideak. Jolasa, umorea eta kirolaren bitartez arratsalde bikaina igaro zuten San Juan plazara hurbildu zirenek. Elkartasun festa ederra izan zen.
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!