Julen Gabirondo urnietarra eta Igor Esnaola legorretarra sailkatu ziren Gipuzkoako finalerako, atzo Urnietan jokatu zen segalarien kanporaketan. Zortzi segalarik neurtu zituzten indarrak Azkonobieta baserriko zelaietan: Jokin Etxeberria, Andoni Goikoetxea, Suharri Irazustabarrena, Jesus Mari Ormaetxea, Julen Gabirondo, Igor Esnaola, Jon Otegi, Mikel Lizartza, Iñigo Mercader eta Iban Pardo.
Esnaolak eta Gabirondok lortu zuten txartela uztailaren 8an Asteasun jokatuko den Gipuzkoako segalarien finalerako, esan bezala.
Ikusle mordoa bildu zen segalarien lehiaketa ikusteko Azkonobietako zelaietan. Segalari bakoitzak nork bere taldea eraman zuen, hazi-hazia zegoen belarra ebaki ondoren biltzeko.
