Extremadura, Andaluzia eta Euskal Herriko abesti eta dantzen emanaldi ikusgarriaz gozatu zuten atzo Basterora hurbildu ziren herritarrek, Hogar Extremeño elkarteak antolatuta. Raices y Brotes (Extremadura) Zambra (sevillanak), Erketz (euskal dantzak), eta Zuena emakumeen elkarteko taldeak igo ziren oholtzara; azken elkarte horretako kideek areto dantzak eta sebillanak eskaini zituzten. Hogar Extremeñoren kultur asteak gaurkoan segida izango du, 12:30ean udal agintariei eta herriko elkarteen ordezkariei egingo zaie agurrarekin.