Udalak ekimenaren balorazio positiboa egin du eta datorren irailean bigarren denboraldiari hasiera emango diela ere aurreratu du gaurko ekitaldian. Ikasturte osoan zehar bataz beste 75 pertsona jardun dira egitasmoan parte-hartzen; ibilbide arrakastatsuenean 90 lagun hurbildu ziren eta gutxienean 28 lagun. 60 eta 80 urte bitarteko pertsonak izan dira, batez ere, parte hartu dutenak (%76), baina animatu dira pertsona nagusiagoak ere. Eta orohar, gehiago animatu dira emakumeak (%60) gizonezkoak (%40) baino.
Denboradako azken ibilbidea egin dute Andoain Ibili egitasmoko parte-hartzaileek. Ibilbidearen ostean ikasturteari amaiera emateko guztiak Bastero Kulturgunera gerturatu eta laburpen bideoa ikusi ostean guztientzako pintxoak eta edaria ere izan dira bertan.
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!