Otsailaren 21ean eman zioten hasiera eta asteazken honetan dute ikasturte honetako azken hitzordua 10:45etan ohiko tokian baina azken hitzordu honetan Bastero Kulturgunean emango zaio amaiera. Bertan egitasmoaren inguruan grabatu den bideoa ikusi ahal izango dute bertaratutakoek eta ondoren hamaiketako berezia izango dute.
Gogoratu behar dugu, Andoaingo Udalaz gain, bertan izan direla antolatze lanetan Bertxin Jubilatuen Elkartea, Santakrutz jubilatuen elkartea, Zuena Emakumeen Taldea, Hurria-Sahara elkartea, Euskalduna Mendigoizale Taldea, Cáritas, Andoaingo anbulategiko erizainak, Eguneko Zentruko langileak eta Osasun Saila.
Datorren ikasturtean ere egitasmo honekin jarraitzea da asmoa, izan ere, baieztatu ahal izan da hirugarren adineko pertsonen sozializaziorako, elkarren arteko harremanak lantzeko eta bizitza osasungarriago bat lortzeko egitasmo egokia izan dela. Aurreikusten da datorren ikasturteko lehen zita irailaren 19an izatea.