Beldurra hartu zuen gaitzat antzezpenak. Drakonte, Txouaren aurkezle eta Beldurtxoen gobernadorea, antzezle gazteen beldurrak dantzan jartzeko pronto azaldu zen pasartez pasarte gau osoan, baina azkenean, gazteen sormen pertsonala eta barrunbeak mugitzeko gogoa nagusitu ziren.
Tonu kritikoa eta salatzailea hartu zuen maiz antzerkiak: gazteen bakardadeari buruzko estereotipoak, gazteen arteko bortxazko harreman pertsonalak, mugikorrenganako menpekotasuna...
Itsaso Mendizabal, Ainhoa Mujika, Ainhoa Letamendi, Maddi Ruiz, Amaia Garcia, Nora Urdanpilleta, Janire San Sebastian, Jon Olaetxea, Itsaso Santxez, Arnau Elgarresta eta Estitxu Diaz izan ziren oholtzara igo ziren antzezleak, Kristina Roperoren zuzendaritzapean esan bezala. Bi urtetan landu duten emanaldi bikaina eskaini zuten guztiek, eta txalo zarta ikaragarriarekin eskertu zieten ikusleek.