Euskalkien Egun handia izango da larunbatean, maiatzaren 12an, Zizurkilen.
Ordezkari ezagunak izango ditu lurralde bakoitzeko euskalkiak. Hauxe da irakurketa jarraian parte hartuko duten pertsonen zerrenda:
- Juan Kruz Igerabide, Gipuzkoa
- Ana Urkiza eta Onintza Enbeita, Bizkaia
- Julio Soto, Nafarroa
- Ttittika Rekalt, Zuberoa
- Daniel Landart, Lapurdi
- Txema Abarrategi, Araba
Ordu horretan bertan, lurralde bakoitzeko postuak jarriko dira, herriko elkarteen partaidetzaz. Lurralde bakoitzeko bereizgarriak egongo dira ikusgai, bai eta lurralde horretako turismo-eskaintzari buruzko informazioa ere.
Bestalde, lurralde bakoitzeko janariak eta edariak probatzeko aukera paregabea izango da. Xabi Tello sukaldariak lurralde bakoitzeko jaki bereziekin pintxoak prestatuko ditu, eta Arabar Errioxako ardoarekin, sagardoarekin eta txakolinarekin lagunduta dastatzeko aukera izango dute gerturatzen direnek.