Hiru ibilbide eskainiko dituzte aurtengo edizioan. Andoaingo eta inguruko familiei begira, 10 kilometroko ibilbide laburra antolatu dute Belkoain eta Aduna ingurutik igaroko dena. Adunako kontrolgunean jatekoa eta edatekoa eskainiko zaie parte hartzaileei.
Mendizaleei begira, beste bi ibilbide antolatu dituzte. Motza izenekoa 21 kilometrokoa da eta ibilbidean zehar Aduna, Zizurkil Goia, Zarateko Benta eta Belkoain zeharkatuko dituzte. Parte hartzaileei hamaiketakoa Zarateko Bentan eskainiko diete.
Ibilbide luzea 42 kilometrokoa da eta Aiztondo bailara zeharkatuko du (Aduna, Zizurkil Goia, Asteasu, Larraul, Alkiza, Erniozabal, Ernio, Gazume, Zelatun, Zarateko Benta, Belkoain). Kontrol guneak Alkizan, Zelatunen eta Zarateko Bentan ipiniko dituzte. Izen-ematea zabalik dago.