Pentsio duinen aldeko elkarretaratze jendetsua egin da gaurkoan ere Goikoplazan. Andoaingo pentsiodunak ez dute etsitzen, eta asteleheneroko 12:00etako hitzorduari eusten diote. Astez aste, geroz eta pentsiodun gehiago dira pankartaren atzean biltzen ari direnak, Espainiako gobernuari eta klase politikoari bizimodu duinago bat merezi dutela aldarrikatzeko.