Inauterietako mozorro desfilearen azken xehetasunak lotu zituzten joan zen astelehenean egin zuten bileran. Bereziki, desfilatzeko garaian konpartsek jarraitu behar duten ordena. Egun handia gerturatzen ari da, eta hortxe ibiliko dira konpartsa eta mozorroei azken ukituak ematen. Larunbatekoa haur, gazte eta helduek inauteria batera ospatzen duten eguna da. Aurten, bestalde, ospakizunarekin bat egin dute urtean zehar kaleak girotzen dituzten hainbat kultur eragilek: Olagain txistulariak, Alberto Agirre abesbatza, Kantu kalejira, Soinuak, Udal musika eskolako ikasleak, erraldoi eta buruhandiak...
Otsaila gaizto samar dator, eguraldiari dagokionez. Kaldereroen etorrera euripean igaro zen, eta aste hasiera hotza eta bustia izan da. Asteburuari begira, aterkiak beharrezko izango dira goizean. Arratsalderako altxako duela dirudi.
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!