Hogei bat axeri dantzarik eta hiru txistularik osatu zuten erronda taldea. Goizeko 08:00etan Kale Nagusitik abiatu eta Sorabillako hainbat baserrietan (Allurralde Goikoa, Mendiluze, Borda, Intsusaran, Morkaio, Koskaran...) dantzan eta kantuan aritu, eta trukean, bertakoek eskainitako mokaduaz gozatu ostean, 12:30etan auzoko plazara iritsi ziren.
Frontoian, San Juan egunean Goikoplazan egiten diren dantza jokoak dantzatu zituzten dantzariek. Ondoren, auzoko Jai Batzordeak prestatutako hamaiketakoarekin amaitu zuten jaia, bertaratu ziren ikusleekin batera.