Otsailean hasi eta maiatzera bitarte, astean behin irteerak egingo dituzte Andoaingo herrigunean sortu dituzten lau ibilbide neurtuetan. Saio bakoitzaren amaieran, gainera, partaideei salda eskainiko zaie Anbrosia Olabideko jubilatuen tabernan.
Ibilaldi neurtuen atariko modura, “Erorketak ekiditeko tailerra” antolatu dute Basteron. Otsailaren 19an izango da, arrastaldeko 17:00ean hasita.
Egitasmoa 2016-2017 ikasturteko Agenda 21 programatik sortu zen, Udalarentzat emankorra izan zena: “Prozesua emankorra izan zen, bai metodoan zein emaitzetan. Jubilatu eta adinduen espazioen inguruan hausnartzeko, jubilatu elkarteak, euskalduna mendigoizale taldea, Cáritas, Zuena elkartea, Hurria-Sahara elkartea eta Tolosaldeako osasun sailarekin batera, lan-talde iraunkor bat osatu genuen”.