. Interesa duenak pleguetan zehaztutako zenbait obra edo erosketa egin beharko ditu, 35.500 euroko gutxieneko inbertsioarekin. Bere gain izango dira lokalaren mantenu gastuak eta 200 euroko alokairua izango du hilero. “Proiektu serio baten interesa erakarri nahi genuke, arrisku bat hartu behar da baina lokal ederra da, plazan bertan dago eta uste dugu funtzionatu dezakeela. Atxulondo kultur etxea itxuraberrituta dugu eta jatetxeak ere etorkizun oparoa izan dezala nahi genuke”, adierazi du Joxe Mari Luengo alkateak.
Tabernaren ustiapena hartzen duenak euskarazko arreta bermatu beharko du eta agindutako ordutegiak bete, besteak beste. Baldintza guztiak www.zizurkil.eus atarian zintzilikatuta dauden pleguetan kontsulta daitezke. Boletin ofizialean argitaratu eta 26 eguneko epea dago eskaintzak egiteko.