Gaspar, Meltxor eta Baltasar Errege Magoen pajeak kalean gora kalean behera ibili dira eguardi partean, Andoaingo haurren eskutitzak jasotzen; bidean makina bat umeren eskaerak bildu dituzte. Bizikletak erabili dituzte zeregin horretarako. Urtarrilaren 5ean, ostiralarekin, ospatuko da Errege Magoen etorrera; Zumea plazatik irtengo da Erregeen eta beren sekito guztiaren desfilea, La Salle Berozpe ikastetxeak antolatuta.