Umore ona nagusitu da lasterkarien artean, eta ikusleekin batera, giro ederra sortu da Andoaingo kaleetan. Lasterkariez gain, patinatzaileak ere bertan izan dira. Antolatzaileen deialdiari erantzunez, mozorrotuta hurbildu dira asko eta asko. Kirol lehia bigarren mailara igarotzen da. Gaurkoan, lehia hori oso gutxiren artekoa izan da. Rodriguezek irabazi du lasterketa, Alba azken metroetan gaindituz. Etxezarreta izan da azkarrena emakumezkoen artean.