Akrobaziak, trapezio hirukoitza, telak, jauziak,... zirkoaren osagai klasikoak zuzenean ikusiko dira. Eta, nola ez, umorea.
Andoainen zirkoaren aldeko apustua egonkorra da, eta sendoa. Nazioarteko konpainiak datoz Basterora. Zirkuari bultzada emateko sortu zen Ikuszirkus zikloa, eta dagoeneko hamarkada osatu dute karteldegian: “Gipuzkoako kultur mapan ez zegoen zirku jaialdirik eta publiko osoarentzat atseginak diren ikuskizunak izateaz gain disziplina bera indartzeko zegoen beharra baliatuz, Andoainek eman zuen zirku jaialdi bat antolatzeko lehen pausoa”.