Villabonako Udalak Oria Merkatarien Elkartearekin kolaborazio estua mantentzen jarraitzen duela azaldu du Izagirre alkateak: "Udaletxeak kultura eta tokiko merkataritzaren aldeko apustua egin du, eta apustu horrek bizikidetza eta garapen ekonomikoaren aldeko hobekuntza ahalbidetu du". Horregatik, gabon hauetan, elkartearekiko harremana mantendu nahi izan dute Amasari garrantzi berezia emanez, publiko guztietara zuzenduta dagoen kulturako kalitatezko egitaraua prestatuz.
Oria Merkataritza Elkartearekin elkarlanean aritzeak bi helburu ditu: batetik, udalerrian dagoen gabon giroa eta herritarren elkarbizitza sustatzea, eta bestetik, gabonetako erosketen kontsumoa Villabonako saltokietara bideratzea.
Kulturako zinegotzia den Mertxe Garmendia eman du gabonetako egitarauaren berri. Baina aldez aurretik eskerrak eman nahi izan dizkie Errege Eguneko desfilea antolatzen duten gurasoei, eta baita Zunbeltz elkarteko kideei ere.
Egitaraua:
Abenduak 11-30
18:00-20:30 (Aste.-Osti.) / 10:00-13:00 (Lar.) “Paisajes, retratos y pintura abstracta” erakusketa. Seve Iglesias.
Abenduak 16, larunbata
19:45 Eresargi eta Eresargi Txiki abesbatzen kontzertua, Villabonako Jesusen Bihotza parrokian. Sarrera doan.
Abenduak 17, igandea
11:00 Eresargi eta Eresargi Txiki abesbatzen kontzertua, Amasako Tourseko San Martin elizan. Sarrera doan.
17:00 “Balio magikoak” familia osoarentzako magia ikuskizuna, Gurea antzokian. Sarrera 5 euro.
Abenduak 20, asteazkena
20:00 “The lord” gospel kontzertua, Jesusen Bihotza parrokian. Sarrera doan.
Abenduak 21, osteguna
18:30 Loatzo Musika Eskolaren eguberrietako emanaldia, Gurea antzokian. Sarrera doan.
Abenduak 24, igandea
17:45 Txistorra banatuko da Otsabin.
18:00 Olentzero eta Mari Domingiren jaitsiera, Zunbeltz Elkartearen eskutik. Ondoren, Erreboteko plazara jaitsiko dira musikariek eta dantzariek lagunduta.
GABONETAKO EMANALDI BEREZIAK
Abenduak 22-23 / 29-30
19:30 “Jumanji: Bienvenidos a la jungla” filma, Gurea antzokian.