Erraz irabazi zuen Joseba Otaegik, Jon Irazuren aurkako kanporaketa. Hasieratik aurre hartuta ibili zen, eta amaieran, bi minututik gorako aldea atera zion Irazuri.
Harri jasotze lehian, Telleriak ere ez zuen estuasun handirik pasa behar izan Martikorenaren aurkako kanporaketan aurrera egiteko. Gorka Etxeberria oriotarra zen Telleriaren arerio izatekoa, baina ez zuen etortzerik izan eta Martikorena hendaiarrak ordezkatu zuen. Telleria urnietarrak erraz lortu zuen garaipena.