Siemens Gamesako langileek hilabetetako borrokaldia burutu dute despidoak salatuz, multinazionalak mundu guztian barrena barreiatutako lantegietatik langileak kaleratzeko asmoa zuela lau haizetara baitzebilen azken aldian. Hego Euskal Herrian 2300 langile ditu Siemens Gamesak, horietatik 700 EAEn; Asteasu, Mungia eta Zamudioko fabriketan banatuta.
Erabakiaren zain, aste luzeak izan dira langileentzat. Behin erantzuna jakinda, lasaitasuna iritsi da Asteasuko plantara behintzat. "Jakin-min handia geneukan, aste honetara arte ez baitugu ezertxo ere esan", adierazi du Asteasuko plantako langileetako batek.