Billabonatarra hirugarren postuan sailkatu zen lasterketa jendetsu eta ezagunean, Carles Castillejo eta Camilo Santiago lehen eta bigarren postuan helmugaratutako korrikalarien atzetik. Aurtengo edizioan faboritoetako bat zen Jaume Leiva aurreratu zuen sprint bete-betean eta podiuma lortu ondoren, pozarren agertu zen. Berlingo maratoian parte hartu eta gero, indarrean iritsi zen Iraitz oso gogoko duen etxeko lasterketara.