"Begira ingurura! Herrialde desberdinetako hainbat lagun ikusiko dituzu zure Villabonako kaleetan barrena … Galdetu al diozu inoiz zure buruari zerk ekarri dituen hona, zer bizipen eta inpresio duten hemengo bizitzari buruz ? Edo agian, zu zeu etorkina zara eta ez duzu sekulan bertako inork ezagutu eta lagunik izateko aukerarik izan, edo herrialde honi buruz gehiago jakiteko", jakinarazi dute ekimeneko bultzatzaileek.
Bertako familia eta pertsonak, atzerritik etorritakoekin, bazkari batean bildu nahi dituen egitasmoa da Bizilagunak. Azaroaren 19an, ordu biak inguru, bazkari bakoitzean, bertako familia bat, familia etorkin bat eta dinamizatzaile bat bilduko dira bi familietako baten etxean.
"2012tik Euskal Herrian milaka lagunek parte hartu dute Bizilagunak proiektuan. Aurten zuk ere bizi dezakezu esperientzia hori. Bertakoa edo kanpotik etorritakoa izanik, hemen bizi bazara familia, bikote, pisukide edo lagunekin, eta zure herri edo hiriko jende berria ezagutu nahi baduzu, animatu eta parte hartu!".
Ekimenean parte hartzeko, aurrez eman behar da izena:
sosracismobizilagunak@gmail.com 943.321811 / 622412266 tolosaldea.bizilagunak@sosracismo.eu 660792398