Gora Kaletxiki txaranga eta Olagain elkarteko txistulariak Andoaingo kaleak girotzen jardun zuten eguardi partean, eta Zumea Plazara abiatu ziren 13:00etan jarrita zegoen hitzordura. Han, Hogar Extremeño elkarteko presidente den Inaki Gomezek ongi etorria eman zien plazara hurbildu ziren guztiei. Ondoren, musika eta dantza emanaldia ospatu zen oholtzan, Olagain txistularien elkartearen, Gora Kaletxiki txarangaren, Urki dantza taldearen eta Alberto Agirre abesbatzaren eskutik.
Plazan bildutako herritarrek talde horien emanaldiaz gain, bertan jarri ziren postuetan Extremadurako jan eta edanekin ere gozatu ahal izan zuten.
Arratsaldean, berriz, Zuena emakumeen elkarteko Sebillanen taldea, Donostiako Extremadura elkarteko dantza taldea eta Lasarteko Zambra dantza taldea igo ziren oholtzara.