Zubimusu Ikastolan programa gauzatzeaz arduratzen den lan-taldeak informazio bilera deitu du gurasoentzat programa zertan datzan eta nola lantzen den azaltzeko.
Bilera, bihar, urriaren 17an izango da, Txermingo eraikinean. Lehenengo deialdia 17:30erako egin da eta euskaraz izango da. Bigarrena, berriz, gazteleraz egingo da 18:15ean. Ikastolako gurasoei zuzenduta dago bilera.
“Esan EZ bullyingari Kivarekin!” lelopean, programak kasu bakoitza banakako eta taldekako elkarrizketen bidez jorratzen du, eskolako Kiva lan-taldearen eta inplikatutako ikasleen artean. Helburua eskola jazarpena desagerraraztea da. Ez dadila ikasle bakar bat egon sufritzen. Ikaskideak, besteak beste, biktima babestearen garrantziaz jabetzen dira metodo honen bitartez.