Ibiltariak goizeko 09:30ean abiatuko dira Buruntzako San Martin aztarnategitik, Serorategi eta Elizaldi Txiki etxeen ondoan dagoena; Gaztañaga sagardotegia baino zertxobait goraxeago, eta Santa Krutz elizan amaituko da bidea. Ibilbidean zehar honako tokiak nabarmenduko dituzte: Andoaingo elizaren aztarnategia, Goikoplaza eta udaletxearen sorrera, Kale Nagusiko Enekorena etxea edota Santa Krutz eliza.
Geldiunetan, Larramendi Bazkuneko bazkide bolondresek adierazpenak eskainiko dituzte. Jardunaldian parte hartzeko Basteron izena ematea ezinbestekoa da.
Behar duten pertsonentzat autobus zerbitzua jarriko dute Goikoplazatik aztarnategira, eta bertatik Goikoplazara. Gainontzeko bidea oinez egingo dute, bukaera arte. Izena emateko epea urriaren 5ean amaituko da, ostegunarekin.
Antolatzaileek oinetako erosoa eramatea aholkatu dute: “Eguraldiaren aurrikuspenak onak dira eta ibilbidea asfaltatuta dagoen arren, oinetako erosoa eramatea gomendatzen da, luzea delako”.