SUPER H FESTA
IRAILAK 23, LARUNBATA. 16:30. SAN JUAN PLAZA
Super H elkarteak, aurreko bi urteetan egin bezala, txikienentzako mendi lasterketa ikusgarria antolatuko du plazan. Oztopo eta aldapatxoz osatuta, lasterka eginez gozatzeko modukoa. Egitaraua ekitaldi gehiagorekin osatuko dute.
BERTSO AFARIA
IRAILAK 23, LARUNBATA. 20:30. OIANUME
Urteak dira jaien atarian bertso afaria antolatzen dela Urnietan. Aurtengoan kantuan ariko direnak Eli Pagola eta Igor Elortza bertsolariak izango dira. Azken unean dabilenarentzat, txartelak Oianumen bertan eskura daitezke.
PLAZARA PLAZEREZ
IRAILAK 23, LARUNBATA. 18:30. SAROBE
Egape dantza taldeak, ekainean, arrakasta handiarekin, Plazido Muxikan eskaini zuen ikuskizuna, Saroben eskainiko du berriro, larunbat honetan.
PINTURA LEHIAKETA
IRAILAK 24, IGANDEA. 09:00-10:00. LEKAIO
Azken urteetan egin bezala, lehiaketa egunean bertan erabakiko da. Goizetik lehiakideek koadro bana margotuko dute. Saridunen berri 19:00etan emango dute.
PLATER TIRAKERA
IRAILAK 24, IGANDEA. 09:00. ARKALE
Santa Kruz elkarteak parte hartzeko deialdia egin du. Parte hartzaileen artean sari ugari banatuko dute, gainera. Compack Sporting saioa Oiartzunen izango da.