Erronka DBH3 eta 4ko gazteei zuzenduriko ekimena da herri ezberdinetako ikasleek, elkarrekin, ikastolen jaian modu aktiboan parte hartzeko, dibertituz eta egun borobila igaroz. Hogei ikastolek hartuko dute parte aurtengo Erronkan. Proben artean daude lokotxak biltzea eski “kolektibo” baten bidez, mosaiko bat osatzea edota Lekaixoka banderatxoa eskuratzea hiru metro inguruko altuera duen haga baten puntatik. Bazkaldu ostean, arratsaldean, finalak egingo dira eta hauetan ere proba benetan bitxiak gainditu beharko dituzte.
Lagundu gure Erronkari taldeari zure bozkarekin!
Igandeko probez gain, Erronkari talde bakoitzak bideo bat sortu beharra dauka. Helburua da taldeak bere burua aurkeztea eta Kilometroak jaiari bultzada bat ematea. Bideo guztiek lehiaketa batean hartzen dute parte gustukoena online bozkatuz. Bozketa ondorengo linkean egin ahal da. Animatu eta bozkatu Zubimusuren bideoa!:
https://erronka-kilometroak.joveninhastalos30.com/kilometroak_2017
Bozkatzeko ezinbestekoa da aurrez erregistratuta egotea. Lehenengo saria 1.000 eurokoa da, bigarrena 500 eurokoa eta hirugarrena, “Publikoaren Saria”, 250 eurokoa.
Informazio guztia ondorengo linkean duzue:
https://sites.google.com/zubimusuikastola.eus/zubimusu-erronka/ataria?authuser=0