Elkarren arteko harremana ahalbidetzeko, administrazio bakoitzak berari dagozkion tramite eta zerbitzuen katalogo bat eskaintzen duen egoitza elektronikoa edo web orri bat egokitu beharko du.
Udalak bidali beharreko jakinarazpenak bere web orrian jarri beharko ditu, hortaz. Herritarrak jakinarazpen horiek eskuratu ahal izateko, aurretik bere helbide elektronikoaren edo beste gailu digitalaren berri eman beharko dio Udalari. Era horretan, eta segurtasuna bermatze aldera, herritarrak Udalaren egoitza elektronikora sartu ahal izateko, beharrezkoa izango du identifikazio eta sinadura elektroniko sistema bat txartel digital bidez (izenpe, NAN-a, Camerfirma edo FNMT) edo Udalak eskaintzen duen B@kQ bidez.
Xehetasun guzti horien berri emanez, Andoaingo Udala andoaindar guztiei gutunak bidaltzen hasiko da irailaren 4tik aurrera.