Gipuzkoako Foru Aldundiak bere titularitatean dauden errepide batzuk Udalaren esku utzi nahi ditu. Maite Izagirre alkateak azpimarratu duenez, "herriak segurtasunean asko irabazi du; aurrez zegoen oinezkoentzako pasabide goratua kendu zenean, bertan utzi zituzten hormigoizko euskarriak. Arrisku hori kentzeak onura ekarri dio herritarren segurtasunari".
Villabonako zeharkalearen titulartasun aldaketa aztertzen ari dela aurreratu du Aintzane Oiarbide Bide Azpiegituretako diputatuak. Baita, jabetza aldaketa egin aurretik errepideari hainbat hobekuntza egingo zaizkiola.
Gipuzkoako Foru Aldundiaren titularitea duten GI-4751 eta GI-4752 errepideez gain, Legarreta auzora doan errepidea ere Udalaren esku uztea aztertzen ari da Aldundia, eta errepide horretan dagoen Sacemeko zubia ere hizpide izan dute. "Gure enpresak bultzatzeko eta haietara iristeko bitartekoak ere jarri egin behar dira, eta, bideak egoera onean edukitzearen garrantziaz jakitun gara. Villabonako Sacemeko zubiak berritzea eskatzen du, eta aukera hori aztertuko dugu”, adierazi du Oiarbidek.