BOLUMEN HANDIKO HONDAKINEN BILKETA ZERBITZUAREN IRIZPIDEAK
Andoaingo Udala:
”Bolumen handiko hondakin zerbitzua ez da behar bezala erabiltzen azkenaldian. Hori dela eta, zerbitzuaren ezaugarriak zeintzuk diren azaltzen da hurrengo lerroetan. Herritar guztiei eskatzen zaie irizpide hauei jarrai diezaietela:
Zein hondakin utzi behar dira?
Etxeko tresna handiak: altzariak, koltxoiak, linea zuriko etxetresna elektrikoak (hozkailuak, ikuzgailuak, etab.), linea gris-marroiko etxetresna elektrikoak (telebistak, ordenagailuak, etab.).
Ez dira utzi behar:
Obra-hondakinak, pneumatikoak, paleak, papera, kartoia edota zabor-poltsak. Horretarako, erabil ezazu Garbigunea.
Ordutegia:
Bolumen handiko hondakinak astelehenetan atera beharko dira, beti ere, 20:00etatik aurrera. Bilketa asteartetan egiten da.
Non utzi?
Hurbilen dagoen zabor-edukiontziaren ondoan utzi behar dira tresna handi horiek. Hondakin handiak ongi metatuta eta bide publikoan ahalik eta enbarazurik txikiena egiteko moduan utzi. Ez utzi trasteak edukiontzien kontra. Gauza asko uzteko asmoa baduzue, komeni da aurrez abisatzea (Udaleko telefonoa: 943300830; Tolosaldeko Mankomunitatearen telefonoa: 943676216)".