Antolatzaileek Urnietako bisitaldiaren helburua argi eta garbi adierazi dute prentsa oharrean: “Kanpaina honen helburua, 8 eta 16 urte bitarteko haur eta gazteen artean teknologien erabilera egokia eta sortzailea bultzatzea da. Bertan, Kode_Eskolak antolaturiko programazio-tailerrak doan eskainiko dizkie 8-16 urteko gaztetxoei”.
Besteak beste, bideojokoak programatzen ikasteko aukera edota webgunea sortzeko tailerrak eskainiko dira.
Adinaren arabera tailer ezberdinak antolatu dituzte:
PROGRAMATU
ORDENAGAILURIK GABE
8-12 urte. “Jolas erraz bezain dibertigarrien bitartez, programazioan funtsezkoak diren hainbat ezagutza lor daitezke”.
SCRATCH EZAGUTU
8-12 urte. “Primeran pasako dugu jolas txikiak programatzen, gero etxera eraman ahal izango ditugunak”.
BIDEO-JOKOAK SORTU
8-14 urte. “Tresna sinple bat erabiliz, bideo-joko sinple bat sortu ahal izango dugu! Diseinuan nahiz programazioan egingo ditugu hastapenak, sormena nahiz logika martxan jarri beharko ditugularik…”.
PROGRAMATU
12-16 urte. “45 minutuko ikastaro honetan, programazioa zer den ikasteaz gain, gure lehen programak sortuko ditugu. Zatoz eta has gaitezen programatzen”.
WEBGUNEAK SORTU
12-16 urte. “45 minututan oinarrizko kontzeptuak landuko ditugu, zure irudimenarekin nahi duzun web gunea sor dezazun”.
Uztailak 28, ostirala
10:00-14:00 / 16:00-20:00.
Pintore kalea.