Oroitzapenaren atalerako tarterik gorde zuten auzotarrek, nolanahi ere. Izan ere, Fernando Uribesalgo musikaria, 2016ko urrian hil zena, gogoan hartu nahi izan zuten. Festazale amorratua, Karrikako jaietako animatzaile nekaezin horietako bat izan zen bere bizi guztian. Era horretan, jai egitarauan idatzia ez egon arren, Jai Batzordeko kideek Fernandoren senitartekoak oholtzara igoarazi zituzten, eta txapela eskaini zieten haren omenez.
Jaietako lehenbiziko egunari Rock kontzertuak eman zion amaiera, Pangea eta Kalean taldeen eta DJ Tristanen eskutik.