Joan zen ekainaren amaieran, Behar Zana bola taldeko Beatriz Unzue amasarrak irabazi zuen Euskadiko bola txapelketa, emakumezkoen sailean. Gizonezkoen artean, Oskar Larrazabal arabarrak jantzi zuen txapela. Asteburu honetan Añorgako txapelketan hartuko dute parte Behar Zanako bolariek eta uztailaren 29an, Santioen baitan, 16:00etan izango dute tiraldia Villabonako bolatokian.