Ana Carrere alkateaz gain ekitaldian parte hartu dute Marijose Izagirre (EAJ), Maider Lainez (PSE-EE) eta Olga Hernandez (Ganemos), zinegotziek, Udaleko Ongizateko teknikari Ana Sanzek, Sahara-Hurria elkarteko Miren Erkiziak, eta nolaz ez, Iraola Treku familiako kideek, Ali Salemen bizikide izango direnak hurrengo bi hilabeteetan.
Ali mutil-koskorra nahiko ezaguna da Andoainen jada, etortzen den bigarren urtea baitu familia berberarekin. Ekainaren 24an heldu zen herrira hain zuzen, Sanjuan jaien ospakizunak bete-betean zirela, eta irailaren hasiera arte egongo da bertan.
Bestalde, Andoaingo Udalak Saharako beste bi haurren udako egonaldia ordaindu du. Haur horiek Tolosako aterpetxean egingo dituzte oporrak.