"Euskal Herri osoan oso ezaguna den harrijasotzaile eta aktore leitzarra, harriarekin datorkigu oraingoan ere, ez ohiko moduan ordea. Arratsaldeko zortzietan hasita, harriarekin izan duen istorioa modu berezian azalduko digu ordubete inguru irauten duen emankizun poetikoan. Harria metafora, adibide eta hausnarketa bihurtzen dituen emankizunarekin batera erakustaldia ere egingo du", jakinarazi dute udaletxeko kideek.
Iñaki Perurenarentzat, "harria urteetako bidelaguna izan da, bizi oso bat daramat harriarekin eta berarekin jarraitu nahi dut". Ezingo luke sufritu bere harri gainean hautsa ikustea sufritu, baina era berean, "hautsak harrotu nahi nituzke, arnas berritzeak bizia ematen dit eta ingurukoek ere neurri batean hori bizitzea nahiko nuke", dio leitzarrak.
Maite Izagirre alkateak, berriz, “egunero ikusten ez den ekitaldi berezi” honetan parte hartzeko gonbitea luzatu die amasar eta billabonatar guztiei.