Oiartzun gailendu zaie zizurkildarrei finalaurrekoan eta haiek jokatuko dute finala, uztailaren 1ean, Azpeitiaren aurka. Zizurkildarrek 2-1eko emaitza lortu zuten Oiartzunen, joaneko jardunaldian. Itzulerakoan ordea, kadeteen mailako partida irabazi ondoren, jubenil eta nagusien mailako partidak galdu egin zituzten. Tanteoa Oiartzunen aldekoa zenez, haiek lortu dute finalerako txartela. Nolanahi ere, ibilbide bikaina gauzatu dute zizurkildarrek Herriartekoan.