Duda-mudazko eguraldiagatik, atzo arratsaldean, bolatokian beharrean Berdura plazan egin zen sagardo eta txorixo dastaketa. Jende ugari gerturatu zen eta giro polita sortu zen, aterpean bada ere. Bola tiraldia bertan behera geratu zen. Erraldoi eta buruhandiak kalean barrena ibili ziren, dultzaineroekin batera, haur eta helduen gozamenerako.
Gaur eta bihar jarraitu egingo du festak. Hauxe asteburuko egitaraua:
Ekainak 3, larunbata
10:00 V. Xake txapelketa (elkartean).
16:00 Pilota eskolako haurren joko garbi partidak. Jarraian, haurren eskuzko txapelketa finalak.
19:00 Meza hildako bazkideen omenez.
20:15 Bazkideen afaria.
23:15 Behar Zanako danborrada.
Ekainak 4, igandea
09:00 Diana Loatzo musika eskolako Geronimo dultzaina taldearen eskutik.
11:00 Errebote partida.
14:30 Gonbidatuen bazkaria (elkartean).