Herriartekoan Ataun aurkari indartsuaren aurka aukerarik gabe geratu eta gero, Andoaingo taldeak erronka berriari ekingo dio asteburu honetan. Eskuz binaka kadete, jubenil eta nagusien mailan jokatzen den Berria txapelketa hastear da, Euskal Herriko elkarte garrantzitsuenen parte hartzearekin. Aurreko bi urteetan andoaindarrek txapelketa polita egin dute, finalaurreraino iritsiz. Gaztelekuk zaletuei agertzeko dei egin die: “Andoaindarrei partida ederrak ikustera eta gure taldea animatzera dei egiten diegu”.