Eskuz banaka trinketean lortu du garaipen garrantzitsu hau Eneko Maiz billabonatarrak.
Ligaxkan, Nafarroako, Bizkaiako, Iparraldeko eta Arabako pilotariei irabazi ondoren, zuzenean pasa zen finalera. Maila izugarria erakutsi du eta Gipuzkoan dagoen trinketistarik onenetakoa dela ere bai. Etorkizunera begira maila hobea eman dezakeela nabarmen geratu da gainera.
Bigarren urtez jarraian jokatu du 22 urte azpiko mailan eta bigarren honetan ere txapela lortzeak lasaitasuna eman dio pilotariari, horrek zekarren presioa gainetik kendu ostean.
Finala, Gasteizko Astronomos trinketean jokatu zuen Kalik Niang iparraldeko pilotariaren aurka eta 40-12ko emaitzarekin lortu zuen Eneko Maizek txapela. 8-5 zihoazelarik, 29-5eraino joan zen Maiz eta txapelak ez zion ihes egin.
Labaka eta Aizpuru
Peru Labaka eta Julen Aizpuruk Gasteizko Ogetan jokatu zuten euren finala. Hauek ere, 22 urte azpikotan Gipuzkoa ordezkatuz irabazi zuten txapela eta beraien aurkariak Riol eta Urizar bizkaitarrak izan ziren. Zorionak guztiei ere!