Ezaguna da Iñistorraren konpromisoa euskararekin, eta larunbat honetarako literatura eta musika jarduera bana antolatuko ditu. Goizean liburuen postua ipiniko dute San Juan plazan, eta iluntzean emanaldi akustikoa antolatuko dute. Kontzerturako sarrerak dagoeneko salgai daude Bikain kafetegian eta Xauxar tabernan. Aurreko Aiurri astekarietan Lappa eta Lear taldeen elkarrizketak argitaratu ziren, eta oraingoan Donostiako Bi Zaldi taldearena.
Iñistorra euskaltzaleen biltzarrak larunbat honetan Liburuaren egunaren edizio berria antolatuko du. Goizeko 11:00etatik 14:00etara, beraz, liburuak eta sarrerak salgai izango dira. Iluntzeko 19:00etan hasita musika emanaldia izango da Saroben, Urnietako Lappa edota Lear taldeen parte hartzearekin.
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!